Author: ibm

Hello，我係思思。今次好開心可以試到呢部Yamaha勁戰第七代Cygnus X UBS 125cc版本。 原因係我本身對勁戰有情意結，因為第一同埋第二代勁戰我都擁有過。我喜歡佢係平地臺，開工代步都好方便。 新車查詢：萬里達車行 Production: Loretta / B12 今次試騎Yamaha 第七代Cygnus X勁戰125 UBS聯動版，不是ABS版，當左手扣尾迫力時，頭尾會一起聯合制動。如只有右手扣頭迫力時，尾迫力不會介入。 雖然Cygnus X UBS係入門版，但已盡享DL8 新車架和VVA可變氣門技術的好處。外觀和呎吋完全一樣，全車LED燈組，頭燈是小型化投射式魚眼設計，為兩近一遠的配置，亮度提高了150%，投射廣度提高80%！ 125 UBS版一樣配備咗TCS牽引力控制系統同埋QC 3.0 Type-C 快充。在濕滑路面或急加速時防止後輪打滑，增加行駛穩定性。 正常俾油起步，感覺到加速相當暢順，尤其係由0至60km/h時，提速非常順暢。我經過一些凹凸不平嘅路面時，佢嘅濾震表現比以前更好，冇咁跳。因為新車嘅前叉經過重新設定，長度增加了5mm，阻尼與彈簧皆最佳化，長度也增加 5mm。雙筒尾避震的彈弓硬度也經過最適化調校，K值降低 11.7%。 另外我發現架車好好收，煞車表現超越細羊級數。廠方話頭碟直徑加大至267mm，並加大了雙活塞卡鉗。後碟直徑係230mm，配單向單活塞卡鉗。所以第七代煞車力道比六代強了60%，果然冇講大話呀。 第七代和第六代的分別好大，最明顯係佢比第六代嘅車身窄咗，座高也矮了，很適合女騎士駕駛。多謝全新車架，新車的車體窄咗，座位低咗。塞車時攝車，同埋泊骨位都更方便，更容易駕駛 。 Yamaha第七代 Cygnus在操控性和煞車性能上進行了多項重要升級，包括全新開發嘅DL8 高剛性車架。DL8 車架管壁增厚了15%，並採用全新設計強化支架，縱向剛性較舊車款增加了 19%。過彎時穩定感和整體剛性得到顯著提升。 新車架帶來另一個改動係平地台的空間好濶落，兩雙腳點擺都得。乘客腳踏也向後移，令到駕駛者落腳空間更多。即使落腳慢駛嘅時候，小腿冇咁易會揩碰到乘客腳踏。再加上新一代勁戰的輪圈呎吋大左，行車表現更穩定。 新引擎的震動明顯較上代少，加速表現也較上代快少少。樣樣都有改良，加加埋埋令到第七代勁戰有脫胎換骨的表現。事實上佢真係換左骨，全新車架遇上新引擎技術，絕對有換新車嘅價值。 錶板左下角有一個叫做Range的數字，可以實時睇到預算續航距離，行車模組能依據剩餘油量自動計算，在不熟悉的路段上行走特別有用。當續航距超過300km時，便只會顯示300+，代表不需理會。重有，第七代新車加裝咗死火燈，操作時好就手，即使係日頭，燈號都清晰易見，更感安心。 第七代Cygnus X勁戰125 UBS版車仔雖然細細，但座下儲物艙容量高達28 升。全因為做得深，可完整收納一頂加大碼Full Size大頭佛！唔好忘記重有前置空間，可輕鬆放置