法國Peugeot標緻Django125 x Monnie – 美在外觀，也在細節

歐陸風味
細排量綿羊喺香港一向非常受歡迎，除咗耗油量低，保養經濟之外，輕盈車身亦都方便易用。 市場上各類小羊可供選擇，但主流選擇為日系同歐系品牌。今次測試嘅係新晉代理引入，由老牌法國標緻車廠生産嘅150cc小羊Django。

歐洲最受歡迎小羊之一
標緻依個嚟自法國嘅品牌對私家車車迷嚟講絕對唔陌生，但原來該廠一向有生産小綿羊，而且喺歐洲非常之受歡迎，銷量僅次另一香港車迷熟悉嘅意大利品牌。

美在外觀，也在細節
代理今次引入新車有兩種配色，一種係非常搶眼Dual Tone配色，另一種單色配上直間古典賽車拉花。 Monnie 本身有數年駕駛私家車經驗，現在正準備考電單車，近來都開始留意各類適合新手嘅車款，而新車俾到佢第一個印象就係 ——- 靚！

車身矯小圓滑，車頭中間突出嘅品牌獅子標誌，加上線條獨特嘅LED 指揮燈、尾燈，感受到設計師花咗不少心意喺車身造型上。

外觀上大量使用銀包金屬或電鍍配件，連地台都唔係簡單一塊過膠料，配有額外條狀防滑膠，寬躺坐墊亦分別為司機、乘客提供舒適承托，用料實在落足本。

實用、安全至上
Django 使用前後12吋合金輪圈，意味著車主可以配搭市面上各式小羊輪呔，隨自己喜歡揀到最適合自己嘅車軚。 前後碟剎再加埋ABS配置，制動系統性能非常充足。770mm 座高、1350mm輪距再加上輕巧車身，無輪城市穿梭，定遊山玩水，靈活程度都係令人享受。

座位下可放一個開面頭盔，如果單騎居多可考慮遲啲先加尾箱。另外平地台設計亦係好多香港用家非常重視嘅賣點，除咗方便舒適外，仲方便用來做外送工作，實行揾錢玩樂一車攪掂。