2021 KTM 390 Adventure – 抵玩萬能俠

https://youtu.be/5mvwcHrlqCA Production: 班長 / Simon / Dave新車查詢:亞洲力匯 Power Asia Ltd 以歷奇形態出現的KTM 390 Adventure,無論是氣勢或是在用料上,都完全壓制街車390 Duke或跑車RC390。 為應付低速需要,390 Adventure的散熱水箱比街車Duke造得更巨形,並配備兩把風扇,頭叉也可作出調較。 還記得上次KTM車主集體評測2021 1290 Super Adventure S嗎?其中一位資深歷奇車主Albert,便是以390 Adventure加一對邊箱作為代步腳車。選擇它是因為Adventure的駕駛空間和實用性。 高大騎士坐在細車上往往摺埋一舊屈到病。歷奇車種以高座闊把手的開揚座姿,帶出比街車還要舒適的駕駛空間。 今次iBike很榮幸邀請到資深重型歷奇車玩家,人稱班長的雄哥來評測一下KTM 390 Adventure,到底它的歷奇能力有多高。 班長二話不說,先來一個沙灘浴,把這臺車仔衝落沙灘。俗語話白鱔上沙灘,唔死一身潺。到底這臺車仔的命運,會否和白蟮一樣呢? 要在沙灘行車,記得要將MTC電子防護系統關閉,咁尾輪先可以在沙地上持續發力。試騎當日沙灘正值潮漲,可供行走的沙面不多。 如果是潮退一段時間的話,會有較多被海水壓平的沙面可供行車,咁成個畫面就會靚仔好多。 跟車的Continental TKC 70兩用輪胎在又乾又鬆的沙面上,較為吃力,似是掙扎而不是行車。但班長仍然敢把390 Adventure衝落沙灘係因為知道佢車身輕巧,乾重只有158kg,睇上去似乎大件其實得個樣。真係行唔到的話,抬佢走都重得。 不過原裝車胎落沙灘真係有D輸蝕,咬唔到沙,導至頭輪唔夠穩,很多時候腳要落地護車,但情況未算太差,起碼可以來來回回走幾次。 除了有Cornering ABS之外,390 ADV也有為爛路而設的off-road ABS。2021年390 Adventure有少改良,當在off-road行車時,如果引擎死火後,而不是駕駛者關閉電源的話,引擎重新啟動之後,ABS設定仍然會維持在off-road ABS。

Read more