實話實說！玩咗18個月，ARIIC 力刻 Chinf 318車主 究竟滿唔滿意呢？

Production: Vicky / Dave
新車查詢：好彩車行

力刻318大綿羊是一款集時尚與智能於一身的車款。全車配以LED燈組，跑車級別的三碟式徑向煞車系統。動力心臟金浪自行研發的水冷四氣門276cc單缸引擎，最大功率23.8ps / 8000rpm，最大扭矩 2.55kg-m/5000rpm。配備德爾福電子燃油噴射系統和日本進口FCC離合器片。196kg車重，中置油短容量有13L，理論續航里程高達400km。更令人驚喜是綿羊擁有貨車級數的雙音兩段喇叭，存在感十足。

來港的力刻有新舊兩款，分別是指針式錶板和TFT錶板兩款。現在舊款Chinf 318減價，全新車只售HK$35,800.，簡直係二手價錢買全新享受。

你會話得唔得㗎？有冇鑊氣㗎架？鐵騎網誌特登搵一位舊款318車主接受iBike訪問，由真實車主同大家分享一下他的18個月車主生涯究竟如何：

大家好, 我係Vicky。我身高178cm，咁我雙腳都可以好平穩地放在地上。790mm座高對我來說都相當適合，我覺得很舒服。由於我手臂較長，正常坐姿的話手臂會屈曲。如果想伸直手臂，便需坐後一點，上身便可以更挺直。

我擁有呢架車約莫一年半左右，感覺架車好夠力，完全冇問題。我地力刻車主都有一個車主會嘅，都係揸住力刻318。我哋久唔久都會有聚會玩下嘅。

我部車冇進行過機件上的改裝，只係搞係D外觀裝飾野，例如牛角呀、綑邊、Label呀貼紙之類。風擋之後，把手之上的橫桿係318專用嘅，現在318都有好多專用配件。

原廠有改裝的迫力油蓋，可以安裝其他伸延配件例如電話座或水樽架。我也有用通用形的呔壓計，可以俾我監察著前後胎氣。呢款胎氣感應sensor直接裝在氣咀上，安裝或打氣都相當方便。

頭擔表現幾好，雙頭碟的煞車反應很直接。手指只需輕扣，已經有效減速收車，即時有制動反應。避震反應不會太硬，即使過凹凸位時，濾震反應都幾好。唔會chok手或有過份的震動動作。我覺得呢條彈弓都算係幾好。

尾避震有多段預載硬度調較，我只是調在中間位都夠用。我太太都好鐘意坐318的車尾，因為佢輕身，所以雙騎時的尾避震表現相差不大。尾腳踏相當結實，踩上去時車身不會側太多，只要我穩住重心，乘客在後方跳動都唔緊要。

尾箱架是力刻原廠出品，刻有318標誌。全金屬製作相當堅固，真係幾夠力。承重力相當之高，無論乜野類形的尾箱都可以穩固地安裝。用左咁耐，我覺得冇鬆過。

力刻喺我眼中好靚。由前方望住架車幾靚。惡又唔算好惡，但正面影落去，雙頭燈齊亮的318真係幾好睇。好多朋友都讚架車靚，當知道係國產車之後都表現出乎意料，冇諗過國產車都可以咁靚，同以前真係唔同晒。

有咩唔滿意？暫時嚟講我真係冇乜嘢唔滿意喎。架車我用左一年半，我覺得OK呀冇問題。差不多每一件零件，查天書都有個零件number畀到我哋去買。舉例說我撞爛了這一件，用相關零件number便可以精準訂購。當然啦，機械或引擎等維修便交番俾代理搞。但一般門面外觀的改裝替換便可以自己搞掂。

整體來說，我認為力刻318舒服易用，夠力又靚仔。改裝部品及零件都容易搵，相當易養。價錢又平，真係好車一部。

ARIIC 力刻 Chinf 318
引擎形式單缸、四氣門、四衝程、水冷
缸徑 x 行程 72.5×66.8 mm
排量 276ml
壓縮比 10.2:1
最大淨功率及對應轉速 17.5kW/7500±250r/min
最大扭力及轉速25N.m/5000±250r/min

起動方式 電起動
傳動方式 皮帶傳送
離合器型式 乾式離心式

煞車(前 / 後)雙碟式 / 後：碟式
前輪胎 120/70-14 55P/200kpa
後輪胎150/70-13 64S/225kpa

長 x 寬 x 高 2215 x 780 x 1395 mm
軸距 1540 mm
座高 標準790mm / 低座750mm
最小離地間隙 145 mm
乾重 195 kg

油缸容量13L
最高車速120 Km / h
燃油消耗量 ≤2.9L/100km
燃料種類92 #以上無鉛汽油

浙江公安選用了力刻318作為交警電單車