Honda 2025 Rebel 1100棍波MT版 VS DCT版 – 棍波忠粉試完車後都可能會變心，轉玩DCT版！
對於Rebel 250或Rebel 500的車主來說，動力與加速始終不是主要賣點。想扒頭想超車，跑長途高速要不費力，一定要揀Rebel 1100。源自CRF1100 Africa Twin的1,083cc並列雙缸引擎，在Sport mode時可提供瞬時扭力，油門反應非常靈敏。在正常模式下，換檔反應較舒適柔順。
車款介紹及車身細節
https://www.ibike.hk/ibike-reviews/rebel1100/28644/
雖然係1100，但操控十分輕鬆。無論是高速或低速轉向，質油或急煞，車身都極為穩定。難得是直二機器的高頻振動極小，深沉的脈衝排氣聲浪令人感到舒適，而非刺耳的高頻聲。
Honda Rebel 250 / 500 / 1100三者雖是同門同系，但買家群完全不同，所以不需和1100比較。反而我們有興趣想知道，Honda Rebel 1100 MT（棍波）同DCT（雙離合器）在實際駕駛上有何分別，兩者各有什麼優勢和缺點？
此外，Honda Rebel 1100的引擎源自Africa Twin 1100，但兩者有比較性嗎？有可替或或互換的可能嗎？我們也探討一下。
最後，Honda Rebel 1100 DCT 和同門X-ADV 750 ，兩者該如何選擇？因為Rebel 1100馬力更強，價錢較便宜，似乎更抵買？
今次好開心，可以同場比較Honda Rebel 1100棍波MT版同埋DCT版駕駛嘅表現。Honda Rebel 1100 MT棍波同DCT雙離合器波箱，實際駕駛時各自討好不同的人。DCT左手冇極力子桿，左腳冇轉波桿。所以只需開關扭油筒，DCT會自動轉波。正常mode以柔順為主，Sport除左油門反應更爽快之外，每一個波段都會hold耐D等你儲轉數。閣下如果喜歡參予感的話，左手可以控制加減掣，更主動地做出轉波的選擇。
至於MT版，磨擦接合時機自已控制，儀式感會重D，自主性更強。極力子又唔重，磨擦點又易搵，習慣MT的車友一定會揀番MT版。但在塞時車，DCT版表現點都會順D。新手也不用擔心要吊極力子，怕跑馬仔或會死火的情況出現。日常使用，絕對舒服過MT版。
兩者加速力都差唔多，但DCT版齒輪比同棍波有少少唔同，DCT波段會密啲，轉波更平滑。但因為波箱結構唔同，DCT版車身右邊會闊少少。雖然DCT比棍波版重了10kg，但我們在交替試騎兩車時，感覺不到重量的分別。
再講整體駕駛感覺：Rebel 1100的駕駛姿勢極度放鬆，長時間騎乘都不易疲勞。 710mm超低座高，雙腳好似熟咗嘅蝦咁屈曲地腳掌著地。好處是給人極強的安全感和輕鬆感，壞處是較難用腳發力搬身。
泊車、掉頭、塞車時穿梭非常輕鬆，新手友善。軸距相對較短，轉彎靈活。雖然在入彎時需要稍推多少少軚，但一旦入彎後，車身便很穩定。避震設定偏舒適，其實不算太軟，有一定支撐性，吸收路面顛簸效果也不錯。
Rebel 1100最大嘅優點係好容易騎，車身又細，座位又低。即使係中等身材，都可以冇壓力咁享受到排氣量超過1000cc嘅大機器。慢速轉向時，堂軚唔會有向內收嘅壓力。操控好中性，慢車轉向好容易。重有一樣令人感到意外：頭brake好好收，反應一流。在整個試騎過程中，冇用過尾brake，操控特性完全唔似美巡。
第二個優點，當然Honda一貫嘅造車功藝啦。錶板易讀，轉mode又容易。引擎運作寧靜，震動輕微，冇令人煩厭嘅高頻諧震。原裝喉聲雖然寧靜，但低音都算飽滿。不論係棍波或是DCT雙離合器波箱，感覺到機械效率非常高，每一啖油，都係化作向前動力，機械阻力非常細。
Rebel 1100第三個優點，係結合街車嘅靈活性同埋美式巡航車嘅外型，令到Rebel 1100可以適應好多不同場景。鬧市塞車好輕鬆，DCT波箱一波慢慢行都唔會跑馬仔。轉sport mode開油加速馬上有聲有畫。
第四個最重要的優點係售價。只需十萬出頭便可擁有一線名牌全新重型機車，再睇下其他雙缸跑羊賣咩價？擁有美巡風格的Honda Rebel 1100，平到令人難以抗拒。其實現在一街都係外送羊，唔係開工的話真係唔想騎綿羊囉。
講完優點，講下有咩可以改善之處。對於腳長嘅人，首先把腳踏位置前移，令駕駛姿勢可以更加伸展。腳長自然腰都唔會短，為左對抗風壓，加高個風擋會令到高速時舒服D。至於過彎時容易揩到腳踏，其實美巡係咁架啦，下下都要出力劈，應該搵過其他車款。
Honda Rebel 1100的引擎源自Africa Twin 1100，但兩者有比較性嗎？有可替或或互換的可能嗎？
兩者雖然引擎同源，共享同一顆 1084cc 水冷並列雙缸引擎平台，但它們的定位、設計理念和調校截然不同，因此駕駛感受和馬力表現有著天壤之別。由於個性和擅長的領域完全不同，老土D講，選擇哪一款完全取決於你的用途和需要。
Rebel 1100是美式巡航車，核心訴求是低座高、低重心、輕鬆易控、風格化、公路舒適巡航。強調低轉扭力和易於上手。 Africa Twin 1100是硬派冒險拉力車。核心訴求是全地形能力、長途耐力、多功能性、複雜路況下的操控與通過性。強調動力儲備、越野性能和高離地間隙。
所以兩車的馬力與動力表現有明顯分別。 Rebel 1100馬力86 hp @ 7,000 rpm。Africa Twin 1100是102 hp @ 7,500 rpm，Africa Twin動力更強。但Rebel 1100刻意調低低轉出力，強調平順易控。3000rpm以下的 動力輸出非常柔和平順。這是為了迎合新手的需要。在3000rpm 以後，動力開始顯著湧現，特別是4000rpm打後變得非常充沛且線性，一直延伸到紅區。在 Sport 模式下，動力響應更直接，加速強勁有力。不過在巡航模式下動力輸出非常柔順。
而Africa Twin 1100的動力輸出更直接、飽滿，全段可用，強調響應性和延展性。在低轉速時動力輸出明顯比 Rebel 1100更積極。由於採用更高的壓縮比和及不同調校，低扭更強，起步和低速脫困能力優秀，非常適合越野和走走停停的路況。在中高轉時，動力輸出線性且持續，儲備深厚。轉速攀升更快，高轉延伸性更好，能提供更運動、更興奮的騎乘感受，尤其在公路超車或高速巡航時更能從容。不同騎乘模式對油門反應和動力輸出的影響更顯著，例如Sport 模式非常激進。Grave 模式會限制動力輸出以增加沙石路面可控性。
Africa Twin 擁有更高的峰值馬力和更飽滿更直接的低中段扭矩輸出，整體動力感受更強悍、更運動。 Rebel 1100 的動力被刻意封印，以求平易近人，但其中高轉表現依然出色，在巡航車裡屬於非常強勁的級別。
Honda Rebel 1100 DCT 和同門ADV 750 DCT，兩者該如何選擇？因為Rebel 1100價錢上更吸引，似乎更抵買？
Rebel 1100 DCT 是一款強勁動力的巡航摩托車（1083cc，85.8馬力，98 Nm），而 X-ADV 750 DCT 則是一款跨界兩用車（745cc，57.2馬力，68.7 Nm），因此 Rebel 在加速和高速公路巡航方面更強。
操控方面，Rebel 車身更低，感覺更重，更注重輕鬆悠閒的巡航；X-ADV 750 更高、更輕、更靈活，具有更好的防風性能和舒適性，適合城市交通或輕度越野。
X-ADV 750 的直立騎行姿勢、儲物空間和多功能性使其成為更全面的選擇，而 Rebel 1100 DCT 則更注重風格和原始動力。如果您想要輕鬆巡航和大扭矩，Rebel 就是您的最佳選擇；如果您想要城市實用性和冒險能力，X-ADV 750雖然較貴，還是有其存在的價值。
四衝程水冷OHC並列雙缸270度 8V Uni-cam
缸徑x衝程 92mm×81.5mm
壓縮比 10.5:1
排氣量 1084cc
最大馬力 88.4ps /7,250rpm
最大扭力 10kg-m/4,750rpm
變速器 6段變速（MT/DCT）
前輪尺寸 130/70-B18 M/C
後輪尺寸 180/65-B16 M/C
油缸容量 13.6L
制動型式
前 330mm浮動煞車碟配徑向安裝四活塞卡鉗ABS
後 256mm煞車碟配單活塞卡鉗ABS
懸掛系統
前避震 43mm 筒式前叉，預載可調
後避震 氮氣掛瓶式雙叉後避震，預載可調
軸距 1520mm
離地距 120mm
座高 710mm
燃油消耗量
20.4km/L (MT)
18.9km/L (DCT/DCT S)
尺寸
2240mm×850mm×1125mm (MT)
2240mm×835mm×1125mm (DCT);
2240mm×880mm×1125mm (DCT S)
濕重
226kg (MT)
236kg (DCT)
237kg (DCT S)