royal enfield

新車查詢：文偉電單車中心 售價只需港幣64,500.嘅Super Meteor 650，已經係Royal Enfield旗下頂級美式巡航車。外型圓潤復古嘅Super Meteor 650，其實係2023年頭先正式推出，專為追求悠閒同埋有長途騎乘需要嘅騎士而設。 直二引擎排氣量係648cc，採用風油冷、SOHC 4氣門設計，簡單穩定可靠。最大馬力有47匹，最大扭力係5.33kg-m。咪睇佢帳面上數值唔高，以為冇料到。實際駕駛時，力量絕對夠用。 最重要係極力子非常容易掌握，手指操作力度輕巧，磨擦點明顯，起步亂咁來都唔會死火。低沉悅耳嘅排氣聲浪，令人喜出望外。一波起步，由二波一直轉上六波都好暢順。呼油拖波時，爽快和充滿磁性低頻嘅喉聲，簡直令人上癮。 因為波棍行程短，轉波反應係快嘅。著厚boot轉波仍然容易。再加上油門操控非常線性，油門對右腕幼細嘅微調動作都有反應，令到Super Meteor 650係慢車和轉向時都非常容易操控。 始終係650級數，低轉量隨量都有充沛的拉力，車速提升非常輕鬆又自然。在城市通勤尋找攝車機會好有成功感，長途行車時轉數又唔需要好高，令人精神放鬆。 Super Meteor 650係一部令駕駛者充滿歡愉嘅美巡。第一個原因係親和度高，即係容易操控，非常聽話。第二個原因係喉聲飽滿，存在感十足，拉滿駕駛者的情緒價值。雖然唔係V2引擎，但270度點火順序嘅直二機器，都可以令讓騎乘過程充滿韻律感與樂趣，尤其在時速60至100公里之間最為甜美，幾乎無明顯震動，長時間騎行也不易感到疲勞。 最重要係第三點：車價好抵買！港幣六萬五蚊有找，已經俾到你一臺唔係塑膠唔係自動波，係有血有肉有電鍍，有得呼油拖波嘅全金屬摩托車。車主一路揸一路偷笑，絕對正常。因為預期唔高，到拿車係手時，感覺係賺咗，點會唔偷笑？ 美巡一向擅長跑直路，但Super Meteor 650係彎路表現都唔錯。雖然頭19吋尾16吋輪圈設定都係以直線為主，但唔算高和闊嘅轉向把手，甚至乎要駕駛者上身微向前傾，再加上740mm座高，令到Super Meteor 650坐姿偏向街車化，所以部車都好肯入彎。不過跟車輪胎膠質偏硬，重有雙出死氣喉嘅離地距唔係多，攻彎線位都係唔好執行得太進取。 你會問，頭單碟有冇問題？實際駕駛，制動力度合理，美巡當然唔好有late brake的期望。而尾制動力度頗為強勁，老編反而有點顧忌，試騎全程都冇乜點用過尾制動。靠預判、油門動作和頭制動，管理車速完全冇問題。 係時候講下缺點，Super Meteor 650的避震偏向高性能街車，好硬，跑爛路時會有少少跳。唔使錢嘅解決辦法係調低尾避震預載，胎氣唔會打咁足。長遠解快辦法係更換尾避震及前fork芯。外國有好多用家都換左避震，和更厚的座墊。考慮到咁便宜的車價，絕對有大把quota改車啦。 車款介紹：駕駛感受講完，補番Super Meteor 650車身細節。Royal Enfield Super Meteor 650 的騎乘體驗以「舒適、悠閒、適合長途巡航」為最大特色，這款車專為放鬆享受公路而設計，搭載648cc並列雙缸引擎，輸出47ps與5.33kg-m扭力，低轉速時拉力豐沛，油門反應線性順暢，起步與中速巡航時特別輕鬆自然。 車身設計延續皇家恩菲爾德的經典元素，擁有優雅的圓形頭燈、淚滴形油箱，以及大氣的電鍍飾件，營造出濃厚的復古巡航氛圍。座高僅740mm，非常親民，即使身材較嬌小的騎士也能輕鬆觸地。入了90%燃油和機油，濕重約241kg。油缸容量為15.7升，續航力出色。 Showa前避震採用43mm倒立式前叉，行程120mm。後避震則為雙筒式設定。前後煞車皆為碟煞，並配備雙通道ABS，確保安全性。輪距1,500mm，搭配前輪19吋、後輪16吋的無內胎輪胎，讓操控穩定且適合巡航。 這款車的最大亮點在於其順暢的6速波箱（含滑動輔助離合器），換檔輕鬆，油門反應線性自然，引擎運轉時發出的低沉排氣聲浪更增添騎乘樂趣。許多騎士讚賞它在長途騎行時的舒適性，寬大手把與前移式腳踏讓姿勢放鬆，適合長時間騎乘而不易疲勞。 Super