KTM尾避震設計大不同！Linkage VS PDS 邊款勁D ?

離地距 (RED LINE)
Linkage – 車架離地距較低 , 後避震機下鎖點比車架較低, 壓縮時下鎖點連桿更加會再向下伸展. 有可能會撞到Linkage組件或避震機。

PDS – 車架離地距較高 , 壓縮時後避震機下鎖點離地距不會向下伸延。

避震機角度  (BLUE LINE)
Linkage – 避震機安裝角度比較直，每次壓縮時，避震機伸延傾向向下！尾搖臂行程上下角度較大。
PDS – 避震機安裝角度比較斜，每次避震機伸延時傾向向上！尾搖臂行程上下角度較細。

車架反應 (GREEN LINE)
Linkage – 壓縮時 , 車架嘅反應傾向下。
PDS  – 避震機伸延, 車架反應向前。

由此可見 , Linkage嘅設計對於需要吸收大幅度衝擊 , 長行程懸掛有效加長尾胎接着地嘅時間 , 令到可以盡早開油加速。

所以大部份嘅motocross bike 都係用這個設計 , 每次加速時連桿會將尾搖臂拉向下 , 所以開油加速是反應相對柔順 , 因為有連桿嘅扭動傾向，所以對於相對輕微嘅凹凸輕易處理對體力消耗亦較低。

PDS行程沒有Linkage長，但因為佢嘅角度相對傾斜，所以在每次壓縮後 伸展時都有一個向前嘅傾向。再加上避震機上鎖點係正正係車手嘅座位之下, 所以每一次伸展時都會有一個向前嘅動力，令架車更易推進，當然這個特性還要配合駕駛者的風格。

還有在每次開油加速是因為沒有連桿卸力，所以每一開油加速動力都會直接被推向車架, 令加速反應更加敏銳。因為每一次避震機伸展都有一個向前帶動嘅力，所以只要車手能夠同時配合就更能容易進行不斷爬波嘅動作，但當然對車手嘅反應體力要求會較高。