去左英國的樹支皮車友，當然唔會錯過今次夏季促銷活動!Hayabusa leads Suzuki’s summer sales campaign

去左英國的樹支皮車友，當然唔會錯過今次夏季促銷活動!Hayabusa在為期三年的PCP協議中，只需支付4,077.92英鎊，再每月只付109英鎊，便可揸走第三代Hayabusa！

SV650X只需支付1,761.47英鎊，再每月只付69英鎊，便可揸走SV650X！其他優惠車款重有V-Strom 1050XT、V-Strom 1050XT Tour、V-Strom 650和V-Strom 650XT，總共六款。

心水清的車友會發現，首期加三年供款細數，點解可以咁平？是咁的，三年之後如果騎士決定保留呢架車，需要再俾多一筆尾數(Balloon payment)，架車先係真正屬於佢。

PCP全名係Personal Contract Purchase，在北美及英國相當流行以PCP財務安排購買汽車。PCP由三部份組成，首先是首期，第二是供款期數及月供銀碼，第三是可選擇或不選擇繳付的尾期(Balloon payment)。

PCP比Hire Purchase優勝的地方是月供銀碼較低，而且更有彈性。玩完三年，想換車的話，便不支付尾期，還番架車俾車行。講到PCP好似好著數咁，其實兩睇。成個遊戲好簡單，新車價，減去”到期車輛剩餘價值”，便是買家需要支付的銀碼。俾多d首期，月供便少d。俾少d首期，月供便多d。條數其實一樣。

精打細算的人，買車會選擇一炮過或是HP分期付款。PCP看似付出最少便可以玩新車，但除非肯俾埋尾期，否則錢駛左一大截，最後都係兩手空空，無車係手。適合花心的，愛換車但又討厭賣車的人。

優惠有效期由2022 年 4 月 1 日至 6 月 30 日。