Brixton Crossfire 125XS – 足125cc! 上得highway考得牌!

奧地利電單車品牌BRIXTON創立於2015年。今次介紹呢款Crossfire 125XS，外型充滿Scrambler粗矌風格。死氣喉由Header一直到尾鼓都刻意提高位置，增加傾斜角度及離地距。油缸展示X形獨特線條，充滿復古品味。

原來經過設計師操刀，迷你街車可以變身成為充滿輕度越野味道的Scrambler。車底有保護兜，經過高低不平路面時提高保護力。Crossfire 125XS全車燈組都是LED規格，包括圓型車頭大燈，指揮燈和尾燈。

BRIXTON Crossfire 125XS 125c.c.風冷單汽缸四衝程引擎輸出，擁有11HP @ 8,500 rpm 11匹馬力，極速95km/h

倒立式前叉、中置後避震 煞車使用前220mm碟煞配後190mm碟煞。耗油表現相當出色，達到2.4L/100km。

BRIXTON Crossfire 125XS車身細小，極適合在香港的橫街窄巷遊走。停泊骨位或在巷仔尋找落腳點完全無難度。

Crossfire 125XS車重只有111公斤，非常輕巧。Crossfire 125XS 的座高只有760mm，思思身高166cm，雙腳腳掌完全掂地。

車仔起步通常都要高少少轉數。Crossfire 125XS也不例外。4000轉順扭而上，尚算好力。

多得五前速波箱的波牙分配平均，轉波時動力銜接順暢，轉波操作也很順滑。Keep住6000轉，波波有力，上斜表現都幾生猛。

聯動迫力頭迫非常好收，尾迫力制動超敏感，估唔到咁應！注意不要太用力踩落去。把手的轉向角度非常大，駛入迴旋處感覺到過彎有如單車般靈活。我認為，Crossfire 125XS在一般行街都夠用。尤其係繁忙鬧市中攝車一流。不過如果上高速公路跑長途就會比較吃力。

BRIXTON Crossfire 125XS係足125cc，上得highway考得牌。學神容易上手，買來學車考試都得。車仔細細，坐姿舒適，靈活性高，又容易操控，呢D都係佢優點。Bonus point係佢嘅避震反應都相當唔錯，越野菠蘿胎又可以玩下沙泥沙。行走崎嶇路段，吸震能力不俗，頂得住。考到牌之後，代步玩一陣先換車。

另外值得一讚係排氣喉的通風防灼傷保護蓋，做得幾靚。更有引擎底兜保護蓋，唔打得都睇得。

講下唔好o既地方，受制於車身線條設計，比較難裝尾箱，又無風擋，上高速時比較食風。