2024車迷第一個驚喜！Haojue UHR 150 優化細節，價錢重不升反降！
Haojue豪爵 UHR 150係國產150級綿羊的天花板，大量採用進口靚料，上次iBike試完車都讀不絕口。來到2024年，車款雖然不變，但廠方在細節上不斷優化和改良。最重要係價錢不升反跌！由HK$32,800.降價至HK$29,900.！
一齊來睇下2024款Haojue豪爵 UHR 150改良了什麼：首先係頭燈變得更光亮更Sharp醒。
第二點係座位底的行李艙封口位變得更長，保護性更強。
第三點係尾避震增設預載Preload調較，單騎或雙騎都有更好的適應性。
第四點係加長了尾輪的內沙板，增加保護能力，讓車底更乾淨。
重有咩改左呢？呀，有，車身新增了Bosch ABS貼紙，哈哈，雖然舊款一樣都係用緊Bosch ABS，但係冇貼紙架。
介紹完2024的改良項目之後，係時候為新車友重新介紹一下Haojue豪爵 UHR 150 配置&亮點：
德國博世雙通道ABS
LED前大燈德國歐司朗光源
高清VA屏數字儀表
日本本田制鎖SMART Key無鑰匙起動系統
日本電裝AISS自動起停系統
日本電裝FI系統
日本F.C.C.離合器蹄塊
日本阪東驅動皮帶
雙USB充電接口
CAN Bus通信技術，為擴展“車聯網”奠定良好基礎
超低振動、超低噪音、操控優異、行駛穩定的騎行體驗
優化設計的兩氣門進排氣，帶來優異的中低速性能，在100km/h以下使用愜意
雙高位進氣系統，有效降低了機件進灰、進水，延長保養週期和皮帶使用壽命
唔好以為150車仔只適合女仔用，上次iBike試車時，便是由一位身高186cm的猛男操刀：
UHR150座墊較平坦，我可以向後移，坐後一點令我雙腳有更多空間伸展，令我相當滿意。另一個優勝之處係前後輪都有ABS，自然會有更高的駕駛信心。再加上UHR頭尾轆都係14吋直徑，當通過凹凸路面時，抗震能力確實較高。
在行走山上彎路時，豪爵UHR150的轉向非常靈活，出彎係隨心所欲。刻意經過一些渠蓋，UHR的濾震能力相當好，始終尾轆直徑大一吋，行車感覺更少震盪。在上斜定油出彎時，再扭油有二段加速的效果，UHR 150做得好好。
豪爵UHR150的做工確實有好高水準，感覺好扎實。車身組件的夾口嚴密工整，睹後鏡的質素簡直是街車改裝品的級數。好驚訝原裝車已經係有鋁鎂合金後視鏡，錶板顯示也相當清楚，不用費勁觀看，容易閱讀。各種行車資訊顯示清晰，油量、車速、時間、平均耗油、里程計等全部都清楚易讀。
豪爵UHR150採用街車裸露式把手，管身沒有膠殼阻住，好處係可以加裝電話支架或者係行車紀錄儀等，相當好。雖然頭Fork濾震表現OK，但可能係把手的剛性不強，所以震動感傳至把手時，騎士會有點不適。我猜加裝橫桿在把手中間，便可增剛性解決問題。我鍾意佢有一個好斯文嘅外形，但同時動力表現有如Yamaha SMAX 155般澎湃。而PCX 150的動力傳送較平滑斯文，似GT感覺，適合長途旅程。但如果追求激烈的運動風格，UHR 150便會較適合。
腳部空間方面，我試過把腳斜斜地伸向前方，睇下巡航姿勢會點。發現好舒服喎。由於PCX 150車頭的櫃桶凸出來會頂住我的膝蓋，而UHR150便沒有這問題，長途都有舒適感。
經過一段時間摸熟新車後，UHR150畀我的感覺係好smooth，容易控制，Handling好好。你唔會覺得佢係一部國產車，而家我係山路不停上落，從排氣聲中聽到它沒有聲嘶力竭的感覺。UHR150有聲有畫，唔係得把聲唔肯行。
在大上斜路段，我只是2/3油門，都仲未扭盡，已有足夠的力量推我上斜。在香港呢啲道路，呢啲架車勝任有餘，夠力又慳油，UHR150做足了150級的本份。
如果要數UHR150不足之處….重睇緊？直接睇原文啦！
