2025 KTM 390三兄弟拍住上搵真銀：390 Adventure R / 390 SMC R / 390 Enduro R

自2024 年390 Duke 進入第三代 (Third Genartion) ，無論是引擎的演進及車架的更新，已經是一台完成度非常之高嘅入門車。論設備論規格，可以說是同級的天花板(除了你可能還未能接受單缸車的鼓動感）。

Text: 鐵面人

第三代升級現在開展到390 Adventure型號。2020 開賣的390 Adventure， 無論外界有幾多人話佢只係一架升高咗嘅街車或是一架不合格的越野車都好，但無可否認佢的確令好多人 嘗試能夠踏足這個Adventure bike 或輕越野的世界。

因為東南亞地區很多路況不佳，歐美亦好多人被390的低價格所吸引，從而增加了嘗試390 Adventure的機會。390 Adventure的出現，某程度上把這個以往由CRF300, KLX , Serow等細馬越野為主的輕越野車市場，開拓得更深更闊。如果說Himalayas , MT450 , CRF Rally等車都是以390 Adventure為假想敵的話，那麼經過了4年的時間，對手都已有長足進步及甚至乎在某些方面更超越了，所以KTM 都不得不要來過升級。

2025 KTM 390 Adventure R新引擎、車架、懸掛以及頭21吋尾18吋呔鈴的設定，已經是越野車的配置。雖然Explorer Pro將來未必標配，但採用直徑更大的胎鈴來提升戰鬥力，還有仿效890 Adventure，使用現時非常流行的Rally 豬頭，LED大燈加垂直風鏡 , 護車架比舊款略為修長，展現更多越野車的氣勢。引擎跟390都一樣新嘅399 CC引擎45匹，但個人好期待佢會唔會喺引擎曲線上作一些修改？因為在390 DUKE上他的馬力輸出是偏高轉是發生，所以在越野車上會否仍然用相同配置我相信KTM會在這裏做一些修正。

另一款大家非常期待由以往一路傳言會出490上引伸嘅390 SMC R。今次終於有俾大家睇到真身啦。引擎及車架都是跟390 Duke的一樣，修改後避震都是全是用Apex避震，並有較長行程。

頭尾用17吋前後胎鈴，收細的油缸，左右油缸Fairing 收窄，再加上修長嘅車尾，外形完完全全就是一部滑胎車。呢一部junior版SMC R 應該係對應亞洲市場大約165至170cm平均高度的人士。

同級市場以往的日本對手其實都是主要在250 CC大約20匹嘅引擎，所以今次有這個45匹的對手，應該都會令日本車廠諗諗辦法點樣追趕。390 SM C應該會係現役KTM車主下最多人留意的一部，因為他擁有百厭仔外型及性能。

最後一部新車就是390 ENDURO R。390 ENDURO R嘅設定車身跟SMC幾乎一樣，最主要都是懸掛嘅行程及前後輪設定 , 可以肯定原裝嘅輪胎設定應該是21吋和18。

越野呔設定令成個感覺就是690 ENDURO R嘅Junior版。但690 ENDURO R嘅高度及馬力，的確未必人人可以handle到。所以這個Junior版Enduro R將滿足許多騎士想要找一臺更輕更友善又更便宜的越野車款。比起690，390對於許多新手或女騎來說更受歡迎。

暫時這三個型號KTM都沒有正式的公開發賣日期，相信可能在細節上仍然有修改，只係用今次車展再吸引多一點用家的意見。仲有一點係SMC R及ENDURO R型號同時間有展出125的車型，所以想像KTM 係直接打 歐洲新手學牌及新牌及一些東南亞上升級越野升級取向，希望開拓、吸納和鞏固更多喜愛KTM的車迷。