我可以很負責任地說：Haojue XCR 300 簡直係物超所值！

iBike之前已經介紹過Haojue豪爵街車XCR 300，相信注重性價比的實際車迷都不會對它感到陌生。LCD負顯式錶板也是全新設計，面積更大，更易觀看。今次分享試騎感受之前，先睇下XCR 300的耗油數據參考：

廠方強調XCR 300超低油耗，WMTC油耗僅3.14L/100km，16L油缸理論上可跑500km。但在現實世界中，以單騎為主，應付不同路況。駕駛風格係開心扭油而唔係慳家果隻，一缸油約跑260km著油燈。即係每百公里耗油4.3升，每升電油可跑23.1km。以同級車來說算係相當慳油。

再講車價：首期$2,200 ，月供$1,999 x 24。或者一炮過俾HK$43,900，都應該唔會點入肉。今時今日四萬頭想買架有馬力有靚料嘅綿羊都窄窄地。XCR300無論賣相或用料都相當認真，用料見得人。

跟車標配更是Tesla Model 3和Model Y Standard Range都採用的LiFePO4磷酸鐵鋰，可以充滿100%不傷電池，重量也僅為同容量鉛酸電池的1/4！LiFePO4磷酸鐵鋰除了可以更快速充電之外，也有自放電率低，不易走電的優點。存放一年仍可正常起動車輛，而且循環壽命大於2000次，是普通鉛酸電池6倍以上。

LED雙大燈採用德國歐司朗光源的雙LED前照燈，亮度是普通車燈2倍以上，可提供更遠、更寬的視野。光形極佳，均勻而清晰；配合標誌性的前後位置燈、雙閃和超車警示功能等，為整車帶來了極高的辨識度，燈具設計堪稱完美。

各領域的名牌都有使用到，例如避震有KYB、煞車有NISSIN卡鉗、電噴有MIKUNI、ABS有德國Bosch第十代的傳感器…等等。甚至乎是發電機、曲軸平衡軸等硬件也一一例明出處，95%都是日本品牌，足以見到廠方的誠意。更有自家製的HJIS晶片防盜技術、試完車之後更加覺得物有所值！

Alex試騎感受：
XCR300同上次我地試果架TR300都係採用同一副引擎，都是搭載了動力平衡性更佳的異步雙缸引擎，除了固有的“低轉高扭”優良基因，更帶來了暢快的高速性能。

不過TR300係巡航車，XCR300係街車。XCR300排氣喉改為雙出設計，導至兩車排氣聲有分別，XCR300喉聲比較偏中高音，冇TR300咁多重低音。

佢個扭力依然係五六千轉已經畀曬你，去到約8000rpm已經有最大馬力。呢副引擎都係和TR300一樣，都係298cc 水冷電噴直二引擎，最大馬力29ps 最大扭力 2.83kg-m。

死氣喉造功很美，有一個不鏽鋼外殼包裹著。雖然由二轉一再出二，但不要誤會雙出喉會很闊佔地方。原來兩支消音管都沒有超出腳踏的闊度。

我都好欣賞呢條尾擔，好靚。雖然藏在死氣喉之後，但係粗壯並有線條美，更有曲擔角度設計以增強抗扭能力。但當然係鐵材，如果係鋁合金就更加完美。

座墊線條也很順滑，仲有車款 logo 印壓花紋。同埋原廠呢個Tapered變徑把手，以往只有重車大車貴車先有，估唔到XCR 300都有，為車主帶來更佳體驗。

講番呢條避震，雖然不設調較，定位比較基本，但在實際乘騎時發現沒有多餘回彈，表現非常稱職。KYB倒立前叉，上下聯板與較粗的外管連接，前叉剛性更高，遇顛簸路衝擊和彎道激烈駕駛時，前叉不易變形，操控性更好。

XCR300原車配備Pirelli ROSSOⅢ寬幅子午線輪胎，絕對係信心嘅保證，放在XCR300身上，綽綽有餘。

呢架車呢原廠已經跟呢個FCC防鎖死離合器，我係直路試過連拖兩個波，表現都好暢順， 尾輪係完全冇鎖嘅。平時駕駛操作時，手柄操作力比一般極力子輕了30%, 慳力易上手，係可以輕鬆應付市區頻繁換擋。

上次試TR300掉頭 只需要一條半行車線便可完成。咁究竟XCR300表現又會如何呢？結果係一模一樣冇分別，都係一條半行車線便可輕鬆完成窄路掉頭。

細節方面，新車採用高級負顯LCD儀表科技感十足，即使在陽光照射下，也能保證字體清晰，易於辨識。不僅具備速度、轉速、總里程、雙小里程(A和B)、燃油量、擋位、時鐘顯示，還有油壓、水溫、電噴系統、機油更換和換擋提示功能等。特別設計的平均油耗顯示功能，方便騎士全面掌控行車信息。

安裝在左手掣盒側的USB接口，內置過壓、短路保護電路，防塵、防水、抗振。並具有耐衝擊，充電速度快，可靠性高的優點。方便為導航、手機等設備充電。

XCR300採用雙翼樑菱形鋼管車架，抗扭剛度比一般車架高50%以上，配合高強度後搖架，操控感覺相當好。高速有穩定感、在彎路有信心，慢車表現輕快。

如果不注重名牌效應，純綷自用的話，便宜的車價和零件供應充足的豪爵，絕對是一個明智的選擇。唔怕壞，有零件，甚至可以自己搵唔使靠代理，都是豪爵的優點。